Jasyapy 2024 oñemoñepyrũta Guarani Ñe’ẽ Mbo’esyry Ñepyrũmby Universidad de la República Facultad de Humanidades y Ciencias de la Educación-pe, opytáva Montevideo, Uruguáipe. Mbo’ehára Instituto Técnico Superior de Estudios Culturales Yvy Marãe’ỹmegua ombo’éta upe mbo’esyrýpe; upevarã mokõive temimoĩmby oñoñe’ẽme’ẽta Montevideo-pe, ág̃a jasyapy oñepyrũha árape upe ñehekombo’e.
Oñemoñepyrũ hag̃ua ko mbo’esyry oñemba’apóma 2022 guive, Centro de Lenguas Extranjeras upéva upe universidad-pe ojerure rupi. Ko jasýpema, Facultad de Humanides y Ciencias de la Educación moakãharakuéra omoneĩ upe tembiapopy omog̃uahẽva’ekue Yvy Marãe’ỹ; omoneĩ reheae, oñembosako’íta tembiaporã oñemoñepyrũvo ambue arýpe.
Ko pyharevépe oñembyaty yvytu pepo rehe Dra. Laura Marello Barreiro ha Dra. Yliana Virginia Rodríguez, Universidad de la República Centro de Lenguas Extranjeras pegua, ha Dr. Miguel Verón, Instituto Yvy Marãe’ỹ moakãhára. Upe ñomongetápe omohenda hikuái upe mbo’esyry moñepyrũrã.
San Lorenzo, 27 jasypa 2023
0 comentarios