Ko árape, 31 jasypa, mbo’ehára ha tapicha Fundación ha Instituto Técnico Superior de Estudios Culturales y Lingüísticos Yvy Marãe’ỹgua omoirũ karai Tkj. Javier Viveros-pe, oñemog̃uahẽvo ichupe oisãmbyhývo Paraguái Ñe’ẽnguéra Sãmbyhyha. Ojejuhu upépe Yvy Marãe’y rérape Lic. Alicia Méndez, Lic. Matías Medina ha Lic. Marcelo Dos Santos; kóva omoñe’ẽasa paraguái po ñe’egui castellano ha guaraníme upe no’õvusu javeve.
Yvy Marãe’ỹ guive rombovy’apavẽ karai sãmbyhyhára pyahúpe; tamora’e omboguata porã ha hekópe ko temimoĩmby. Upéichante avei roñemoĩ ijykére jahechápa romba’apo joajúpe oñepysyrõ, oñembohekoveresãi ha oñemyasãivo opaite ayvu ojeporúva Paraguáipe, ko’ýte guarani ñe’ẽ ojeporu rekávo oñeñe’ẽ ha ojehaívo, castellano javeve ñe’ẽ tee háicha, opa hendápe ha opa mba’erã.
0 comentarios